من حوالي 6 شهور كنت عايش ميت بقضي وقتي في كلام ومشي وبلاي ستايشن وحبة مزاكرة وكل سنة وانتم طيبين
وفجأة
وفجأة
انضميت لشوية ولاد وبنات وبدأت معاهم حلم جميل
دخلت معاهم في موضوع كان هوا كل حياتنا
لكن البداية عندي كانت يوم حداشر سبتمبر يومها كنا عاملين حفلة بخصوص موضوعنا للناس
وفي اليوم ده بس عرفت شعور لعيب دكة الاحتياطي اللي بينط أما زميله يجيب الجون
مكنش دوري في الحفلة دي كبير لكن دور الحفلة فيا كان كبير
من يومها اتعلمت يعني إيه عيلة وفريق ومن ساعة مانتهت الحفلة وأنا اتخذت قرار غير معلن
إن المجموعة دي تبقي عيلتي..... عيلتي الحقيقية
لكن وكعادة أي حلم جميل بيحلمه شباب في البلد دي
الحلم اتهد وفي يوم الفالانتين المصري أربعة نوفمبر كانت نهاية حلمنا كلنا
انكسرنا ساعتها وفي الفترة اللي بعد كده مكنش حيلتنا أكتر من الدموع والذكريات
مكنش لساننا بينطق أكتر من كلمة فاكرين؟
حاولنا نخرج من حالتنا بإننا نبدأ أحلام تانية لكن خلاص قفلت وشطبنا وعلي رأي واحد مننا قال قصيدة سماها
أريد حلما لا يضيع
لكن وبعد حوالي تلات شهور من حياة متقلبة
شوية نعيط وشوية نقلب علي التيب بتاعنا القديم وأهلا بيكي ياهيافة
وساعات تطلب معانا علام ومزاكرة
وساعات نحاول نخطف أي حلم سريع يعني يعوضنا شوية عن اللي ضاع وساعات
...وساعات...وساعات
طبعا انا مش بحكيلكوا سيرتي الذاتية لأني عارف إن اهتمامكم بسيرتي الذاتية ميزيدش عن اهتمام محمود الخطيب بمتابعة برنامج عالم المراة أثناء توقيت متش الأهلي والزمالك لكن تقدروا تقولوا دي مقدمة منطقية واستهلال لابد منه للهبل اللي جاي بعد كده
فاسمعوني
فاسمعوني
ولو طلعت أهبل وقفولي تاكسي للعباسية بس حاسبوه
وإن طلعت بفهم اعملولي تمثال ولا حطوا صورتي علي الجنيه مش فارقة
اتفقنا ياردالة؟
اتفقنا ياردالة؟
أوكي علي خيرة الله نكمل كلامنا بقي
في وسط عدم التوازن اللي كنا عايشينه كان أكتر حاجة مفرحاني إننا لسه مع بعض مفترقناش
في وسط عدم التوازن اللي كنا عايشينه كان أكتر حاجة مفرحاني إننا لسه مع بعض مفترقناش
كنت بفرح أوي اما نروح كلنا خطوبة واحدة أخت لنا من اللي كانوا معانا
ولا أما نسمع مثلا إن حد نجح أو حصله حاجة كويسة
المهم إن في وسط الليلة دي دخل اتنين صحابنا في موضوع المدونات
وكعادتنا كنا مع بعض اتسحبنا كلنا واحد ورا التاني ودخلنا العالم ده
وبدأ المنديل يطلع عشان يمسح دمعة محبوسة في القلب
تصدقوني لو قلتلكم أنا مش عارف انا بكتب البوست ده ليه؟
تصدقوني لو قلتلكم أنا مش عارف انا بكتب البوست ده ليه؟
كل مافي الموضوع إني عشت حالة غريبة أوي اليومين تلاتة اللي فاتوا
في وسط مانا بلف علي مدوناتكم
في وسط مانا بلف علي مدوناتكم
لقيت نفسي فجأة اتخنقت أما لقيت عاشق الروح وثورة مخنوقين
وفي أثناء ما ودني شغالة مع موسيقي الإرهابي والمواطن مصري
وفي أثناء ما ودني شغالة مع موسيقي الإرهابي والمواطن مصري
وإيديا شغالة علي الكمبيوتر
كانت الغدد الدمعية شغالة علي ودنه في عيني وأنا بقري البوست بتاع سمراء النيل ساعت أما الدكتورة رمتلها الورق
وساعة كمان وشفايفي رسمت ابتسامة وأنا بقري بوست وينكي
وساعة كمان وشفايفي رسمت ابتسامة وأنا بقري بوست وينكي
اللي كانت ملياه تهاني ومباركات وأخبار حلوة عن الناس اصحابها
ومحستش بنفسي وأنا برد علي كل واحد منهم
ومحستش بنفسي وأنا بدخل علي مدونة كل واحد وواحدة وأعيش حياته
محستش غير وأدان الفجر بيدن عشان افهم إنه عدي تسع ساعات علي قعدتي علي الكمبيوتر
وبدأت أحس إني أعرف كل واحد فيكم
معرفش ليه ساعتها افتكرت حلمنا القديم
ومعرفش ليه ساعتها بصيت علي لستة اللي متضافين عندي
جايز كنت بطمن إن إخواتي لسه معايا وإنهم عايشين معايا الحالة دي
حتي كلامنا كله بقي عن البوستات
ومحستش بنفسي وأنا برد علي كل واحد منهم
ومحستش بنفسي وأنا بدخل علي مدونة كل واحد وواحدة وأعيش حياته
محستش غير وأدان الفجر بيدن عشان افهم إنه عدي تسع ساعات علي قعدتي علي الكمبيوتر
وبدأت أحس إني أعرف كل واحد فيكم
معرفش ليه ساعتها افتكرت حلمنا القديم
ومعرفش ليه ساعتها بصيت علي لستة اللي متضافين عندي
جايز كنت بطمن إن إخواتي لسه معايا وإنهم عايشين معايا الحالة دي
حتي كلامنا كله بقي عن البوستات
وشفت أخف دم حط إيه؟
وقريت محض روح؟
وعاوزك ياعاشق تحطلي شات بوكس
ويمر اليوم واكتشف ان الحوار كله كان عنكم
والله مانا عارف أنا بكتب الكلام ده ليه؟
جايز عشان نفسي أقولكم كنتوا فين من زمان
وجايز موجة هبل معدية علي عقلي
لكن اللي مش جايز إني حاسس إن عيلتي بتكبر
وحاسس إني بتولد من جديد بعد ماجنازتي خلاص طلعت
ويمر اليوم واكتشف ان الحوار كله كان عنكم
والله مانا عارف أنا بكتب الكلام ده ليه؟
جايز عشان نفسي أقولكم كنتوا فين من زمان
وجايز موجة هبل معدية علي عقلي
لكن اللي مش جايز إني حاسس إن عيلتي بتكبر
وحاسس إني بتولد من جديد بعد ماجنازتي خلاص طلعت
ومن جوايا وبعد فاصل أربع شهور
اتكتب علي جدار قلبي
عــــــــــــــــــــــــدنـــــــــــــــا
عدنا للأحلام بعد ماخلاص كنا افتكرنا إنه معتش ينفع نحلم بعد كده
أحلامنا بدنيا تبقي بتاعتنا
دنيا إحنا راضيين بيها حتي ولو كانت علي النت
بعيلة كبيرة اسمها نفوس نضيفة
نفوس صافية لسه عندها أمل في بكرة
شباب لاقي كل شماعات الفشل ورغم كده عمره ماحبش يستعملها
محدش فينا راح لجواز عرفي ولا مخدرات ولا ...ولا...
هتلاقي فينا الشاعر والكاتب اللي نفسه في فرصة
هتلاقي فينا الفنان اللي مدفون عشان ممعاهوش كارت توصية
وهتلاقي الصوت اللي اتخرس عشان ميغنيش ويقول العنب
وهتلاقي ...وهتلاقي
صدقوني والله أنا معرفش انا بكتب البوست ده ليه
هتلاقي فينا الشاعر والكاتب اللي نفسه في فرصة
هتلاقي فينا الفنان اللي مدفون عشان ممعاهوش كارت توصية
وهتلاقي الصوت اللي اتخرس عشان ميغنيش ويقول العنب
وهتلاقي ...وهتلاقي
صدقوني والله أنا معرفش انا بكتب البوست ده ليه
هيا بس حالة أنا عايشها بشدة فحبيت أكلمكوا عنها
جايز ألاقي اللي يقوللي وأنا كمان والله حاسس زيك
قصر الكلام يااخواتي عشان مطولش
عاوزين نبدأ من جديد هنا
أوعوا حد فينا يتكسر من أي صدمة
خليكوا جامدين عشان هييجي اليوم اللي مجتمعنا ده هينزل الشارع
وتلاقي اللي معاك في الشغل ولا اللي بيدرسلك واحد مننا
ساعتها المعاملة هتختلف والصورة هتكون غير الصورة
وده حلمي اللي حاطط كل أمالي فيه
إننا نبدأ بنفسنا
إننا بكره نبقي إحنا المجتمع ده
نبقي الدكتور والمهندس والصحفي والمدرس والأب والأم
والله ساعتها بس البلد دي ممكن تقف علي رجلها
أوعوا تستقلوا بنفسنا
إحنا كبار والله
كبار بعقلنا اللي محدش مقدره بره
كبار بدماغنا اللي لسه متدمرتش رغم كل الفساد اللي حوالينا في كل حتة
وصلتكوا رسالتي يااخواتي؟
يارب يكون وصلكوا اللي أنا حاسس بيه
لأن البوست ده والله كإني كاتبه بروحي مش بإيدي
أنا كنت مجهز قصة قصيرة ومقال جاد لكن لقتني بحط البوست ده
معلش إني طولت عليكم
بس مستني ردودكم في الموضوع ده أكتر من أي موضوع تاني
لأن ردودكم هيا اللي هتبينلي سواء اللي أنا بقوله ده جواكم
أو إني أكون زودت جرعة السهوكة والشحتفة شوية
خلص البوست واعذروني لاهيبقي فيه ألوان ولا شغل ولا حتي أسلوب أدبي
لأني عارف إني لو قعدت أظبط هتضرب في دماغي وابعت القصة واكنسل البوست ده
استلموا بقي ياحلوين يارب يعجبكم
40 comments:
يبدو إني أصبحت الصايع الوحيد على معظم مداوناتنا بالرغم من انشغالي ف العمل ... المهم أول مرة أكون أول واحد يعلق عليك ... وده معناه إن الكل هيقطع فيّ ...حبيب قلبي يا مستكنيص ... صحيح أنا كنت بعيد عنكم ف الحلم القديم ...لكن كنت معاكم ف التنفيذ ..لإني ماكنتش طول الوقت فاضي ...لكن قلتها ..وانت عبرت عنها بكلامك ...لازم نتصدم علشان نعرف إن مش كل حاجة صح هيساعدك اللي حواليك عليها...لازم تعرف إن فيه وحش ..علشان لما تدوق طعم الحلو تحس بيه...وإذن هي الحرب الضروس الدائرة بين الخير والشر..فلنغمس أيدينا في الدماء ... ولينتصر الشر في النهاية
ياااااااااااااااااه
يامستكنيس
ايه ده؟؟
فظييييييييع اوى كلامك ده واحساسك ده
بجد انا قرأت الموضوع ده كام مره من حلاوته
ومش لاقى حاجه ارد بيها
مش عشان انا مش لاقى
لا
وواااااااااااااااء
عشان انا هقوم اعمل المطبخ الاول
واااااااااااء
عشان اجى امخمخ وارد بروقاااااااان
بس ايه ده بجد
........
خلاث خلاث لما اخلص المطبخ
وايدى اللمين اتلسعت واااااااااء
يلا خير
المهم فاصل ونواااااااااااسل
انتظرنى جاى فوريررره
ابو طويله
بص يابطوط قبل أي حاجة وقبل مأرد علي عليكي أو علي سكايار(معلش ياسكايار خليك معايا هأخرك شوية)هخلصلك موضوع الشات بوكس بصي انتي اتكي علي كلمة اللي موجودة تحت البوكس بتاعي CBOX
هتحدفك علي موقع
ادخلي ومتخافيش واملي بينات اليوزر نيم والباس وورد واسم المدونة هيبعتلك ميل قومي داخلة منه هتدخلي علي استايلات الصناديق بتاعة الدردشة اختاري اللي تحبيه وانسخي اللينك بتاعه وادخلي علي التمبليت بتاعك(TEMPLATE)
واختاري المكان اللي عاوزاه يستحسن في الجنب تحت كلمة (SIDE BAR)
وقومي عامله بست للكود اللي عملتيله كوبي واعملي
(PREVIEW)
وشوفي الشكل لو عجبك اتكلي علي الله واحفظي التغييرات ويبقي مبروك عليكي
وابقي سيبي الحساب تحت العداد بتاع المدونة وقولي لأصحابك وقرايبك وفيه تخفيضات ولو مفهمتيش حاجة من اللي أنا قلته اكتبي اليوزر نيم والباس وورد واسالي علي الميل بتاعي اي عيل صغير هيدلك وانا اعملهولك
جميل اوى
بوست معبر فعلا كلنا من كتر مشفنا مشاكل وانفعلات بعض بقينا حسين اننا نعرف بعض بجد
يمكن اكتر من صحبنا علشان احنا ادم صحبنى كتير بنخبى علشان منزعلهمش
لكن هنا بنكتب ونقول
يوم فرحنين يوم زعلنين يوم مكتئابين
كل يوم فيه جديد
يارب يزيح عننا كلنا الحزن والهم
:))
حاسس بنبيل الحلفاوي
في فيلم الطريق الي ايلات
بعد ماوسع فتحة اللغم
وايده كانت بترتعش
والعرق مزروط المنتقة
يااااااااااااااااه
عملوها الابطال
عملوها الوحوش
ياريتني كنت معاهم
مصر هتفضل غالية عليا
جااااااااااااامد ياجميل والله
يمكن احنا اتكلمنا في الموضوع ده
كتير ومن زوايا مركبة قوي
بس هي كده فعلا
احنا
القادمون من الخلف
والله انا كنت عاوزه اتكلم في الموضوع ده و من يوم وقفه العيد الصغير وانا بحاول اكتب رساله اقول فيها اللي جوايا معرفتش وكاني نسيت الكلام ونسيت اني عندي احساس وكنت بوصل للمرحله اني نفسي افقد الوعي من هول الموقف اوانه يكون اللي انا فيه دا حلم مش حقيقه لدرجه اني في وقت معين حاست اني غريبه ع الجروب ولاول مره ومليش مكان وسطكم وكان احساس بيدمرني مش قادره اتعايش ولا اتكلم لحد رساله هي سايبه انا مهما قولت الرساله دي عاملت فيا ايه مش هتتخيلوا انا حاست انها مكتوبه ليا ربنا بعتها علشان يجبر كسري ويقويني ويقولي اصبري الطريق صعب بس اخره جنه اخر ابقى مع الرسول بجد شكرا لسكايار وربنا يكرمك وبعدها رساله اريد حلما لايضيع كانت جيه في يوم انا كنت خالص ع الاخر ولقتها قعدت اقول دا انا دا كلامي داصوتي اللي انخرص بجد شكرا ليكم انا كنت مره في رمضان قولت اني بحس انكم طريقي لربنا ورجلي اللي بيمشي عليها للطريق ده بس انتوا دلوقتي درعي لو هتقتلني الظروف شكرا لدكتور مسكتنيص البوست احساسه اكتر من رائع خلاني فجاه لاقت دموعي نزلت وبرد وايدي بترتعش وكلام فكرنا بااحلى ايامنا حاجه اخيره الواحد لما كان يحس ان الدنيااسودت وانه خلاص معدش اقادر كان يفتكر ايه في القران هي عباره عن دعاء بتقول( ربنا افرغ علينا صبراوثبت اقدامناوانصرناعلى القوم الكافرين)تحسوها لينا اوي تخيلوا ربنا بيصب عليك الصبر حاجه حلوه اوي ربنا يخلينا لبعض ويجمعنا ع الخير دايم onetruething
اول مرة هنا على فكرة
ملحوظة
انت عارف كام مرة قلت انك مش عارفانت كتبت البوست ده ليه
عاجبني فيك انك متفائل وواضح انك مش بتتكسر بسهولة..وده كويس جدا
راعي بقى ان لازم الدنيا تبهدلنا شوية وترمينا ذات اليمين وذات الشمال وده كله ليه علشان لما تحصلنا حاجة كويسة نحس بطعمها..علشان كدة ربنا قال:ان مع العسر يسرا
يعني العسر واليسر مرتبطين ببعض
احلم وقابل ناس زي الماس زينا كدة يعني :)
واسمع منير وفيروز وارجع كمل حلمك من تاني..باختصار عيش
مش عارفه أقول ايه هنا
وبجد يتشل الكلام
عايزه أسرق كلمة حلاوة:
مع بعض وسوا ف طريق واحد أساسي
ربنا يخلينا لبعض ومع بعض نعمل حاجه
بجد بوست جميل جدا
كله مشاعر صدقه
وفيه احاسيس بجد جاكده وعلى راى بطوطتى انا من كتر المشاعر اللى جوايا من البوست ده مش لاقيه كلام اعبر بيه بجد
بس قولت لازم ارد وخلاص
والحمدلله اننا اتجمعنا حتى ولو فى بلوجات
المهم اننا ديما متابعين بعض
وربنا يخلينا لبعض
وأقول أيه وانتوووووا كل ماليا
وأقول ايه هدانى ربى بهدية
وهقول ايه وانت قولت كل اللى كان فيا
مش هقول اكتر من سؤال واحد بيلح عليا من يوم مازرت مدونتك أول مرة ..
!!!!!!انت كنت مستخبى فين ؟
يا ريس ولا يهمك
ربنا يخلف عليك بالحلال ويعوضك عن احسيسك الف خير بص يا عم محمد الموضوع كله ان المنظومه فيها غلط
يا ناس في حاجه غلط
وبص يا عم يمكن كان المضوع ده يخليك
تتحمس وبعدين تنام
زي كل حاجة احنا بنعملها في الحياة يا حمادة كبر
وعيش اللحظه
واعمل زي اخوك عمر الشريف
وعيش اللحظه بس وانسي
اهلا بك في عالم التدوين يا مستكنيص اللي هيفتحلك افاق جديده في مخك مكنتش تعرف عنها حاجه
عرفت فالزم
بداية أنا فرحان أوي والله إن الموضع عجبكم ومعلش والله اتاخرت في الرد اصل النت كان فاصل عندي لكن بجد والله متحرمش من ردودكم ومشاركاتكم معايا بتحسسوني والله اني مش لوحدي ربنا يخليكوا ليا يارب
سكايار
.....متحرمش منك ياعسل طول عمرك سباق وخيرك علينا ودايما انت اللي بتقص الشريط برغم العمل ...العمل اه
كلمة تحسس اللي بيقري انك متبهدل
نفسي ارعف عمل ايه ده اللي تاعبك وانت قاعد في انضف حتة في المنصورة وفي سنتر راقي مكيف وبتاعكم كمان يعني محدش هيتحكم فيك قدامك كمبيوتر ونت وشغال في حاجات راقيه يعني كل زباينك طلبة جامعة كلاس وكمان مش انت اللي بتعمل كل ده لوحدك
لا حقيقي بتتعب ...ألا مينفعش اشتغل معاك في الاجازة ياسكايار الشغل المتعب ده؟؟؟؟ تعمل ايه لو صحيت من النوم لقيت رد كده مليان قر
بطوطه.....
متحرمش من تواجدك علي مدونتي يابطوطه بجد ماشاء الله خفة دمك فظيعة والله ببقي هقع علي الأرض من كتر الضحك وألف سلامة علي ايدك اللي اتلسعت عقبال التانية
محض روح.....
انتي جبتي من الاخر يامحض روح فعلا احنا حاسين اننا نعرف بعض من زمان والله كنت بحس بمجرد مابدخل علي بوست حد منكم بحس اني دخلت حياته وعشت الموقف وبوست في بوست الاقيني بقيت عارف شخصيته دانا يمكن بتخيل ليكم اشكال في خيالي ...ربنا يزيد التجمع ده ويبارك فيه جايز بمعرفتنا كلنا ببعض نعدي حواجز كتير سوا أو علي الااقل من معرفتنا ببعض منعملش حاجة غلط
الف شكر علي مشاركتك يامحض ودايما كده منورانا علي المدونة بارائك ومشاركاتك
حلاوة.....
نبيل الحلفاوي؟ ياريتني كنت معاهم؟ هعديها لاني مش فاهم يسلملي رايك ياجميل ومش هعقب علي رايك لان زي مانت قلت اتكلمنا في الموضوع ده قبل كده بس تعرف ياحلاوة متعة لا توصف أما تنقل حاجة جواك وتتحس من الناس انا في قمة فرحتي والله بارائكم ويارب نكون فعلا زي ماقلت القادمون من الخلف نورت ياملك
one true thing
كلامك مينفعش يتقال بعده كلام لكن عاوز أقولك حاجة الكلمتين اللي كتبتيهم دول ينفعوا بوست وبوست جامد كمان صدقيني مش مساله مين بيعرف يكتب ومين مبيعرفش لان أغلبنا مش بيكتب كتابة أدبية محتاجة موهبة او احتراف والله انا عن نفسي في اغلب البوستات ان لم يكن كلها اللي بفكر فيه او بييجي علي بالي بحطه وخلاص وحتي لو معجبش الناس جايز بتضايق شوية لكن بيبقي عندي مهم اني طلعت اللي جوايا
جربي وهتقدري وهتلاقي كلامك هيعجب الناس لانه هيبقي طالع من جواكي ولو محبتيش فيكفينا اننا كاخوات واسره واخده نعبر عن اللي جواكي واللي جوه اي حد فينا عاوز يقول حاجة
ميرسي علي تشريفك المدونة ويارب نشوف ارائك علي طول
بيسوو....
بداية نورت المدونة ياجميل ويارب متكونش اخر مرة ويكون الجو عجبك وتفضل معانا علي طول
عاجبني رايك اوي يابيسو وصدقني كلنا عارفين اننا لازم نتمرمط ونتبهدل عشان نوصل وده الطبيعي لكن للاسف في زماننا ده ممكن تتمرمط ومتاخدش ورغم كده لازم منقعش ولازم نفضل واقفين واكيد هنوصل وبالنسبة للناس اللي زي الماس فانا مش لسه هعرفهم لاني فعلا لقيتهم بجد والله انتوا متعرفوش انتوا ايه بالنسبة لي وفعلا هيا دي الحياة ...دي العيشة اللي الواحد يقابل فيها ناس كده وبالنسبة لملاحظتك بلا احراج بقي متكسفنيش ههههههههههه
انا والله مبصيت فيه بعد ماكتبته يادوب جبت صورة وحطيته فمعلش ياجميل نعتزر عن هزا الخطا الفني
شرفت يابيسو
ثورة...
كفاية دعوتك دي ياثورة ....ااامين يارب ينفضل كده كلنا ايد واحدة وعيلة واحدة وصدقيني هييجي يوم من الأيام العيلة دي هتبقي عالية وهتاخد حقها ولايمكن في يوم هنبقي عيلة منافع لاننا مش هنتكسر ابدا ....ومرة تانية متحرمش من دعوتك دي ياثورة
menas....
شكرا علي تشريفك مدونتي المتواضعة ياميناس يمكن دي اول مرة تشاركي معايا ويارب متكونش الأخيرة يارب
ويارب تجمعنا يمتد لما هو ابعد من البلوجات وننزل للشارع تاني لكن حتي ولحد ماليوم ده ييجي فانا عن نفسي راضي بتجمعنا علي البلوجات وشايفه مش قليل لانه تجمع عقول وقلوب
ربنا يبارك فيكي يارب وتنورينا علي طول
anonymous.....
بجد بجد مش عارف أقولك ايه علي الكلام الروعة كان ناقصنا بس توقيع صغير نعرف مين حضرتك لكن مش هتفرق كتير وانا عن نفسي هحط التوقيع من كلامك التوقيع انسان بجد
انسان ربنا هدانا بيه مش هو اللي هدية لينا صدقني أو صدقيني مش محتاجين غير كلمة صادقة طالعة من قلب ابيض زي كلامك ....ومش محتاجين غير اننا كلنا نفضل سوا نقوي بعض ونعبر عن احاسيس بعض مستنينن مشاركاتك ياانسان بجد وياريت تكتب وتعمل مدونة
نورتنا
أحمد عبد الحي....
شاعرنا الكبير:
الغلط موجود في البلد بناسها باللي ماسكينها وتصحيحه تماما بعيد لكن مقدمناش اننا نقف
بيفضل عندنا أمل نقوم علي رجلينا بدل مانقضيها بنات وسجاير وفساد
بس صدقني بتحمش وانام زي ماقلت لكن المشكلة برجع اتحمس تاني ومشهد المدونات ده اداني طاقة لاتتخيلها
لكن ككل وبعيدا عن الكلام ده
رسالتك وصلت ياشاعرنا ياكبير يارب بس متحرمنيش من ارائك ومشاركاتك هنا
ياحبي ولا لأقول يابااشا؟؟؟؟
innominatex....
أهلا بيكي انتي الأول علي مدونتي وصدقيني كل يوم بقعده زيادة علي المدونات بيفتحلي حاجات عمري ماكنت اتخيل وجودها ....حاجات أغلبها ان لم يكن كلها روعة وبتبهرني لكن يبقي السؤال هنقدر نوظف اللي بنعرفة دي؟هنقدر نعمل نقطة تحول في حياتنا وفي طريقة تفكيرنا؟ ولا كل اللي هنعمله اننا ندلل لساننا ونقول ياه ايه ده ونفضل نندهش ونفتح بقنا لحد ماعمرنا يعدي ونلاقي نفسنا في نفس مكاننا وماستفدناش من الأفاق دي
صدقيني مربط الفرس في حتة اننا نوظف اللي بنتعلمه هنا من بعض كل مدونة فيها درس وشخصية وتجارب حياة وكل عقل بيدخل بيتعلم لكن مش كله بيطبق
يارب تفضلي تشاركينا بارائك علي مدونتي المتواضعه انتي دماغك عالية ماشاء الله انا قريتلك بوستات وهقولك رايي فيها علي مدونتك بس حقيقي دماغك عالية
مستني مشاركاتك يادكتورة
عاشق الروح.....
يعني ايه
عرفت فالزم
دي ياعاشق انا مش فاهم حاجة ياريت
تقوللي انا خايف لتكون شتيمة
معقول؟ انت ياعاشق الروح؟ هنت عليك؟
عموما اتبايلثقكخه
يالا بقي ألغاز بالغاز
المدونة مدونتك ياعاشق تشرف يابا في اي وقت انا سايبلك اليوزر والباس وورد تحت السجادة لو جيت وانا مش هنا خش استناني
على فكرة يا مستكنيص انا بدخل على بلوجتك ديما
بس انا مش عالطول بعرف ارد
بس اوعد هرد حتى لو بكلمة
انا جه تااااااانى
اهلن بيك مستكنيس
بقولك انا رديت على مضووعك ده على بلوجوتى
ببوست جديد
روح شوفه ضرورى
مستنيك هناك
فى رعايه الله
aih elmdwna elgamda dih
ana aritha kolha we 7elw mot elpost bet3 low aboha rad 3lik
regards
menas....
والله مش اقصد والله الفكرة بس ان ده اول مشاركة يعني انما انا اسعدني والله دلوقت انك كنتي بتدخلي ويسعدني اكتر ردودك بس مش هيسعدني انه يكون رد لمجرد الرد اما تلاقي نفسك عاوزه تردي وحاجة معينه نفسك تقوليها وتعبر عن رأي ليكي قولي الموضوع مش مسابقة ردود اكتر هو اي طبعا بفرح جدا اما بالاقي ردود كتير واما اعرف رايكم في مواضيعي لكن هفرح اكتر اما يكون رد طالع من جواكي زي ردك علي المقال ده ويارب تنورينا دايما ومزيد من التقدم لمدونتك الجميلة
بطوطه.....
ياخبر ...موضوع كامل؟
ايه الروعة دي يابطوط انا مش هكتب ردي هنا هكتب الرد بتاعي في مدونتك بس بجد بوست مالوش حل فرحني اوي اوي اوي
memo.....
نورتي المدونة ياميمو ومتحرمش من إشادتك يارب وياريت فعلا تكون المدونة عجبتك وتكوني ضيفة دايمة معانا بأرائك وخفة دمك اللي بتميز مدونتك
تحياتي
دكتور مستكنيس
عارف شعورك دة
ربنا يوفقنا جميعا
ويقربنا من بعض
ويخلينا متماسكين
وعادى بقة
أودى
اهلا دكتور مستكنيس
انا قلت اجيلك العيادة عشان موضوع القصة القصيرة
انت وعدتني تتدينى برشام ادبيات واسبرين قصة قصيرة
فين بقييييييي؟
كنت عايزة اسبلك كومنت في البوست بتاعت تعمل ايه لو ابوها رفع السماعة وانتو بتتكلموا الساعة اتنين بليل
بس قلت انا جيت متأخر..يمكن متقراهوش
بس بوست تحفة صراحة
أممممممم... انا مستنية الروشتة بقي يا دكتور اوكية
وميرسي ع التعاون والتشجيع
دى اول زياره لمدونتك
اقصد لروحك الصريحه
كلامك حسيته اوى بالرغم منانى مش اعرفك لسه
الاحساس ده عندى انا كمان من سنين
كنت انا واصحابنا فى الكليه مع بعض لمده 4 سنين مش فرقتنا غير الليالى بس
وكتير كنا بنتجمع كمان لاى حاجه تبع الكليه او لعيد ميلاد او خطوبه او عقد قران حد مننا
وده كان جميل لما كانت احلامنا جميله وهادفه
وكنا كل ما نحقق حلم كنا بنشطب عليه بمنتهى الفرحه ونعد الباقيين ونقول لسه كمان اكيد احلام
كانت اجمل فتره عشتها
كان عندى حضن كبير بيضمنى هو اصحابى دول
بس للاسف مع الايام وانشغال كل حد سواء بشغله او ببيته او مستقبله
بقينا يادوب بنعرف اخبار بعض
مش بقول انقطع الاتصال ولا انقطع السؤال
بس قل عن زمان
وان كان الحب واشياقنا لبعض
وفرحتنا وحزننا ببعض لسه بنفس المقدار
بس هى دى الحياه
انا مش بلوم حد منهم
بس اصلهم واحشينى اوىاوى
اعذرنى مش عارفه ايه اللى انا كتبته ده انا كمان؟
ماكنش لازم اطول كده دى يا دوب اول زياره
:)
بس اعملك ايه
كلماتك اثارت فيا زكريات كنت ضماها فى قلبى وسكته
لا بجد كفايه كده
لا كده يبقى ملل بأه
:)
شكرا ليك واسفه على التطويل بجد
أودي....
تسلم علي ردك ياجميل ودايما كده منورني بتعليقاتك ويارب دعوتك تتقبل يااودي امين يارب لان صدقني ده الامل الباقي لينا ااننا نفضل متحابين ومتماسكين وبجد انا مبسو ط اوي ان الرسالة وصلتك
وعادي بقه
أميرة البلطجية.....
ايه ده اميرة البلطجية عندنا؟....أوعوا حد يزعلها ياولاه احسن تجيب المدونة عاليها واطيها انا عارفها قادرة ومفترية وتعملها هههههههههه اوعي تزعلي انا بهزر انا بس اول مابقري اسمك بموت من الضحك لكن نخش في الموضوع
أولا طبعا نورتي المدونة ويارب يارب تكون عجبتك ونلاقيكي كده معانا علي طول
ثانيا ميرسي جدا علي اشادتك بموضوع السماعة وعادي كنتي سيبي تعليقك هناك لو حبيتي انا بدخل الف علي ولادي موضوع موضوع
ثالثا وده الاهم موضوعنا القصه القصيرة
انا مقصدتش والله اني ارسملك نفسي نجيب محفوظ دانا غلبااااااااان انا بس بكتب من زمان وفي الفترة الاخيرة بدات اتعلم الاسس الادبيه فكنت عاوزك تقري اللي بكتبه هنا من قصص وتقولي رايك فيه ولو حبيتي افيدك ممكن تبعتيلي عاوزه تستفادي في انهو نقطه او نبعت لبعض قصص ونتبادل الاراء
رابعا واخيرا نورتي المدونة وياريت تشرفينا دايما بس من غير بلطجة وحياتك احنا غلابه
تحياتي أميرة
ساعة الغروب....
بداية مرحبا بيكي ضيفة جديدة عزيزة في مدونتي المتواضعة هيييييييييييييييييه متخافيش ده الجمهور فرحان بيكي
بصي ياساعة الغروب انا والله مبسوط جدا إن كلامي رجعلك زكري لحظات حلوي عيشتيها وبجد والله وانا بقراها تخيلت كاني جواها وبتفرج عليكي انتي واصحابك ومن اللي انا تخيلته واللي انتي اكيد حاساه لانك عشتيه بقولك ارجعيلهم وحاولي البداية تبقي منك الايام دي مش هتتعوض صدقيني وليا زعل بسيط منك ايه مش عاوزه اطول دي
انا بفرح والله بكل كلمة بتتكتبلي انما ملل واسفة وكلام التليفزيون ده بلاشه احنا عيلة واحده واخوات وكلامك اللي كنتي عاوزه تقوليه واللي قلتيه ممكن يفكرني انا كمان بزكريات حلوة ويفكر غيري زي مافكرك كلامي فياريت متحرمناش من بقية زكرياتي واوعديني ياتكمليها في رد تاني ياتكتبي بوست بيها
هاستناه ياساعة الغروب ويارب تنورينا علي المدونة وتنضمي لعيلتي اللي اتشرف بيها
عارف حصللي زي مابتقول
من وقت قريب كان حد قصادي معرفوش بيتكلم عن البلوج وحفلة"علي الالفي"ولقاء المدونين كنت حاسة اني خلاص هاروح اسألة انت مين واقعد اتكلم معاة من غير ما احس
الاغرب ان هييجي عليك وقت يوحشك اسم حد وتروح لصفحتة تمام زي مابتتصل بحد من صحابك تتطمن عليه
جميل اوي في وسط دنيا تتوّة انك تلقي ناس كتير بتفكر حلو وبتكتب حلو وصادقة في مشاعرها زيك وزي ناس كتير بقيت باحب اقرالهم وافكر فيهم أوقات كتير
عن الدور المجتمعي بقي ابتدي من زمان يمكن وضح شوية ايام أحداث العيد في وسط البلد وهوجة المدونين وجريدة الوعي المصري وايام استعراض الاخوان في الازهر وبعدها في حملات عن سرقة التدوينات في جرايد وحاجات كتير تاني
والاهم اني حسيت اني اعرفك لما قريت سطورك وانت عرفت ناس كتير من بين سطورهم ..ده لوحدة فايدة مهمة جدا للتدوين
بالرغم اني مش عارفة ايه الحلم القديم..بس اللي بتتكلم عليه هو احساس اى حد بيدون...اكيد في يوم من الايام حس بيه...عارف فكرتني باول ما بدأت أدون..كانت ايام بتجيلي بقعد ادخل اي مدونة اشفهاوكنت ببكي من مشاكل ناس اول مره ادخل مدونتهم بالرغم من ان دمعتي صعب انها تنزل...على فكره احنا جيل بيحس اوي وجيل بيتخبط كتير اوي..ربنا معاك ويخليك دايما مع اللي بتحبهم..
هى الدنيا كده يا دكتره
وهنيئا عوده الحلم مهما كان بسيظ
من نعمه ربنا ع الانسان انه اعطى له القدره على الحلم ولو للحظات
ساسو.....
عارفة؟ أكتر حاجة عجبتني في تعليقك حتة انك تلاقي نفسك كل شوية عاوز تروح لصفحة حد وحشك تقراها وترد عليه وده مربط الفرس في حوارنا ده ان دي بقت دنيتنا ...ودول بقوا اهلنا واصحابنا فعلا
وحتة الدور المجتمعي اللي انتي اتكلمتي عنه فدي خطوة أولي اننا ننزل الشارع ويبقي لتجمعنا ده حاجه معينة نعملها أكتر من كتابة افكار ومشاعر لان هييجي يوم نبقي طماعين افكارنا واحلامنادي تتنفذ واحنا اللي ننفذها بس واحدة واحدة
ردك جميل أوي ياساسو وبيقول حاجة ياريت متحرميناش من ارائك يمكن دي اول زيارة ليكي لمدونتي لكن هيسعدني كتير لو مبقتش الاخيرة...نورتي
تحياتي ساسو
batresya....
إحنا جيل بيحس أوي ...جيل بيتخبط أوي يااااااااه جملة روعة أوي يابتريسيا بجد بجد جملة روعة جبتي فيها من الاخر وفعلا اللي ناقصنا بس اننا نركز ونعمل اللي حاسينه وانا عن نفسي مش بزعل اما بتخبط لان اللي بيتخبط والحياة بتحدفة ويروح وييجي مسيره في يوم هيتعلم ويكبر
مستني ارائك معانا بعد كده وتنورينا بمشاركاتك دايما ياباتريسيا
تحياتي
المهاجر المصري......
نورت المدونة ياجميل ربنا ميحرمنا من ارائك
نحمد ربنا ان لسه فينا عقل ونفس تحلم
نحممد ربنا اننا لسه موقعناش وصدقني طول ماحنا بنحلم وبنفكر يبقي لسه عايشين ويبقي لسه الامل قدامنا
متقطعش زيارتك بقي ياجميل نورتنا
انت خلتني ارجع تاني
يمكن رجعت الاول قبل ما اقرا البوست دة
بس خليتني اتمسك بعيلة
انا اتمني انها ترجع ليا واحس اني منها بجد
ربنا يخليك يا قمر بجد
انا معاك فى الحلم يا مستكنيس بس المهم اننا منكتفيش بمجرد الحلم لازم نبتدى نحسن من نفسنا و فكرنا و نقوى علاقتنا ببعضنا و شويه شويه العيله هتكبر اكتر و هنشوف جيل جديد كل انشاء الله نفوس نضيفه
بوست عجبنى اوى اوى و معلش انى اتخرت عليك بس بجد ظروف شغلى كانت منعانى جامد
و يا ريت افراد العيله الواحده دايماً يسألوا على بعض و يتبادلوا الزيارات علشان منقطعش صله رحم التدوين
تحياتى ليك على احساسك الجميل و يا ريت تعتبرنى واحد من العيله
سمراء النيل.....
مش حقولك غير حمدالله علي السلامة ويارب كده معانا علي طول أخت عزيزة وفرد فعال جدا في عيلتنا اللي كلنا فخورين اننا فيها أوعي حاجة تهزك بعد كده
ولو حصل فياريت متبعديش عن العيلة وترمي همومك عليها
ومرة تانية حمدالله علي السلامة نورتينا بجد ومستنيين ابداعك علي مدونتك ومشاركاتك وارائك معانا
whyme......
أنا أتشرف بجد إنك تكون واحد من العيلة وبجد والله يسعدني جدا إنك تدخل وترد عندي وفعلا عندك حق الاحلام لازم تنزل للشارع وبداية كده مننا إحنا نفوق ونطور ونحسن من نفسنا لحد منعمل عيلة نضيفة
ياريت متحرمناش من تواجدك معانا ونطبق زي ماقلت صلة الرحم مابيينا كلنا اخوات واسرة واحده ادعيلها تفضل مترابطة
تحياتي
عمرها ماهتبقي اخر مرة
مش احنا بقينا صحاب علي البلوجات خلاص
اديني حتي جيت اتطمن عليك
:)
المرة اللي فاتت مكانتش اول مرة اجي بس كانت اول مرة اعلق ..اوقات بحب اقرا وامشي وبس لو معنديش تعليق اقولة
يلا اكتب جديد علشان لما اجيلك المرة اللي جايه القي بوست جديد
saso....
بجد والله ياساسو انا سعيد بردك ده ويشرفني فعلا والله أننا نكون اصحاب علي البلوجات ربنا يبارك فيكي يارب وبجد متحرمش من سؤالك عليا وورينا همتك كده في مواضيعك وفي مشاركاتك معانا وأهلا بيكي أخت عزيزة اتشرف بوجودها علي مدونتي
economic
يمكن اللى شدنى فى البداية اسم الموضوع اوى وخاصة ان من ضمن الناس اللى الاحلام دايما معايا فى الملعب مش كاحتياطى لا كلاعب اساسى ممكن يحل له اصابة او ممكن يستنى فى الاحتياطى شوية بس عنيايا عليه حتى وسط اللعب وهو على دكة الاحتياطى
وكانه بيقولى نفس الجملة اللى قولتها عدنا
وعلى فكرة اللى جواك والصراع اللى جواك ده جوانا كلنا باختلاف المرادفات واسلوب الحوار بس الاسس اللى قايم عليها اللى جواك جوانا
ربنا يكرمك ويكرمنا ويهدينا للى فيه الخير
Post a Comment