بامكاننا التحول من بشر إلي كائنات
ترفع يديها اليا عند اللقاء
بينما تبتسم الوجوه ابتسامات اقرب إلي زي الاسماعيلي
وتتوحد لغة الشفاه في الإجابة عند السؤال
( الحمد لله ....ربنا يخليك...شكرا)
إلي أن تعاود اليدان الارتفاع اليا مرة أخري
أذنةبالإنصراف
هكذا تصنع الدمي عزيزتي
18 comments:
نفس افعال الثيران المربوطة فى الساقية
يقابل الثور الثور الاخر ووراءة هم ساقية يديرها
عجبنى اوى العنوان لا يقل - عمق - عن المضمون
لكنك نسيت انه للوصول الى مرحلة الدمى نمر بمراحل كثيره اقساها مرحلة التيبس العاطفى ، الا نشعر بالاخرين الا نقدم لهم او نمنحهم شيئا منا ومن اهتمامنا
دمت بكل خير
حلو اوي
:)
حلو قوي يامحمد
وعندك حق فعلا الكل بقى آلة.. معتش في مكان للعواطف في زمن الماديات
عجبني رأي " واحد مش فاهم حاجة"
تحياتي
اه
عندك حق
طب سلامو عليكو
وهكذا نكون نحن البشر مجرد دمى تتحرك
دايما بحس فى كلامك يا ابو حميد انك لسانا ولسان الناس ربنا يوفقك يا معلم
واحد مش فاهم حاجة
روعة بجد التشبيه اللي انت قلته حقيقي تشبيه مبدع
عالمي أزرق
لا انا منسيتش المراحل دي بس لو فكرتي هتلاقي إننا مبنحسش بالمراحل دي بالظبط زي العيان اللي يكسل يكشف عشان صداع أو مغص لحد مايجيله وجع جامد فيكشف يلاقي إن عنده سرطان
اصل لو حسينا من بدري هنتكلم وهنتناقش وهنحل المشكلة لأننا ساعتها هنكون باقيين علي العلاقة
نورتيني
محض روح
ربنا يكرمك يادينا انا مبسوط اوي انه عجبك ويارب ميوقعنا احنا او اي حد بنحبه في فخ التحول لدمي
wessam kabil
ميرسي ياوسام علي مرورك ورايك وانا معاكي فعلا إن راي واحد مش فاهم حاجة جامد جدا
سكايار
حبيب قلبي والله واحشني اوي اوي فوق ماتتخيل بجد والله بفتكرك كتير اوي ودايما علي بالي يارب تكون مظبط في شغلك وفي حياتك يارب والله انت اكتر واحد في الشلة اما بفتكره بتشجع ارجع للمدونة كلهم بيفستكوا ومعدش حد بيكتب غيرك انت وثورة
ابقي طمنني عليك
هبة العفيفي
ياعم ياعم ايه الكلام ده كله يابوبا انا كده هتغر بقي واعمل فيها فودافون النجم هههههههههههه يابنت ياهبة لو عاوزة نتقابل في احنا خدي معاد من السكرتيرة هههههههههههههههه
متحرمش من رايك يابوبا ومبسوط انك عملتي مدونة بجد
حمدالله علي سلامة رجعوك للتدوين ياجميل
لأ وبجد....راجع ببوست رووووعه
الفكرة تحفة اتناولت فكر الجمود والثلجيه من منظور جديد وباسقاط جديدة
والتكثيف حلو جدا
تحياتي
وماتغيبش تاني ياقمر
عجبتني اوي
وبتلخص حالة معظمنا عايشها
لدرجة انك تتمني بجد تكون دمية
مجرد حركة بلا روح
عشان الحياة بقت من غير روح
بجد برافو مش لاقية رد غير كده
بجد والله ومن غير تحيز أو تعنت
يععععععععععععععععععععع
والله انت موهوب يا محمد
وأنا مؤمن جدًا بموهبتك
حافظ دائما علي صدقك
-----
همسة
ما رأيك لو حذفت كلمة إليا بينما و إلي أن ؟؟
تقبل مروري
مستفزة
بسيطة ومستفزة
ده الاحساس اللى جاللى وأنا باقراها
لو كان قصدك توصل للقارئ احساس بالألم فأنت نجحت معايا جدا
خلتنى أحس بكم الضغط اللى بنمر بيه بس عشان نعمل الحركات ونقول الكلمات اللى انت قلت عليهم
مع إن ممكن نوفر الضغط ده لو حطينا بدل كلمة "آليا" كلمة "بحب"م الآخر برافو
Post a Comment