Friday, November 28, 2008

هـــــــكـــــــذا تـــصـــــنــــــع الـــــدمـــــي


بامكاننا التحول من بشر إلي كائنات
ترفع يديها اليا عند اللقاء
بينما تبتسم الوجوه ابتسامات اقرب إلي زي الاسماعيلي
وتتوحد لغة الشفاه في الإجابة عند السؤال
( الحمد لله ....ربنا يخليك...شكرا)
إلي أن تعاود اليدان الارتفاع اليا مرة أخري
أذنةبالإنصراف
هكذا تصنع الدمي عزيزتي

18 comments:

واحد مش فاهم حاجة said...

نفس افعال الثيران المربوطة فى الساقية
يقابل الثور الثور الاخر ووراءة هم ساقية يديرها

عالمى ازرق said...

عجبنى اوى العنوان لا يقل - عمق - عن المضمون
لكنك نسيت انه للوصول الى مرحلة الدمى نمر بمراحل كثيره اقساها مرحلة التيبس العاطفى ، الا نشعر بالاخرين الا نقدم لهم او نمنحهم شيئا منا ومن اهتمامنا

دمت بكل خير

محض روح said...

حلو اوي
:)

wessam kabil said...

حلو قوي يامحمد

وعندك حق فعلا الكل بقى آلة.. معتش في مكان للعواطف في زمن الماديات

عجبني رأي " واحد مش فاهم حاجة"

تحياتي

sakayar said...

اه
عندك حق
طب سلامو عليكو

هبه العفيفى said...

وهكذا نكون نحن البشر مجرد دمى تتحرك
دايما بحس فى كلامك يا ابو حميد انك لسانا ولسان الناس ربنا يوفقك يا معلم

دكتور مستكنيص said...

واحد مش فاهم حاجة

روعة بجد التشبيه اللي انت قلته حقيقي تشبيه مبدع

دكتور مستكنيص said...

عالمي أزرق

لا انا منسيتش المراحل دي بس لو فكرتي هتلاقي إننا مبنحسش بالمراحل دي بالظبط زي العيان اللي يكسل يكشف عشان صداع أو مغص لحد مايجيله وجع جامد فيكشف يلاقي إن عنده سرطان
اصل لو حسينا من بدري هنتكلم وهنتناقش وهنحل المشكلة لأننا ساعتها هنكون باقيين علي العلاقة
نورتيني

دكتور مستكنيص said...

محض روح

ربنا يكرمك يادينا انا مبسوط اوي انه عجبك ويارب ميوقعنا احنا او اي حد بنحبه في فخ التحول لدمي

دكتور مستكنيص said...

wessam kabil

ميرسي ياوسام علي مرورك ورايك وانا معاكي فعلا إن راي واحد مش فاهم حاجة جامد جدا

دكتور مستكنيص said...

سكايار

حبيب قلبي والله واحشني اوي اوي فوق ماتتخيل بجد والله بفتكرك كتير اوي ودايما علي بالي يارب تكون مظبط في شغلك وفي حياتك يارب والله انت اكتر واحد في الشلة اما بفتكره بتشجع ارجع للمدونة كلهم بيفستكوا ومعدش حد بيكتب غيرك انت وثورة
ابقي طمنني عليك

دكتور مستكنيص said...

هبة العفيفي

ياعم ياعم ايه الكلام ده كله يابوبا انا كده هتغر بقي واعمل فيها فودافون النجم هههههههههههه يابنت ياهبة لو عاوزة نتقابل في احنا خدي معاد من السكرتيرة هههههههههههههههه
متحرمش من رايك يابوبا ومبسوط انك عملتي مدونة بجد

قصاقيص said...

حمدالله علي سلامة رجعوك للتدوين ياجميل
لأ وبجد....راجع ببوست رووووعه
الفكرة تحفة اتناولت فكر الجمود والثلجيه من منظور جديد وباسقاط جديدة
والتكثيف حلو جدا
تحياتي
وماتغيبش تاني ياقمر

Anonymous said...

عجبتني اوي
وبتلخص حالة معظمنا عايشها
لدرجة انك تتمني بجد تكون دمية
مجرد حركة بلا روح
عشان الحياة بقت من غير روح

سمو الأميرة سارة said...

بجد برافو مش لاقية رد غير كده

Anonymous said...

بجد والله ومن غير تحيز أو تعنت

يععععععععععععععععععععع

عبد الحميد محمود said...

والله انت موهوب يا محمد

وأنا مؤمن جدًا بموهبتك

حافظ دائما علي صدقك

-----

همسة

ما رأيك لو حذفت كلمة إليا بينما و إلي أن ؟؟

تقبل مروري

Ndreamer said...

مستفزة
بسيطة ومستفزة
ده الاحساس اللى جاللى وأنا باقراها
لو كان قصدك توصل للقارئ احساس بالألم فأنت نجحت معايا جدا
خلتنى أحس بكم الضغط اللى بنمر بيه بس عشان نعمل الحركات ونقول الكلمات اللى انت قلت عليهم
مع إن ممكن نوفر الضغط ده لو حطينا بدل كلمة "آليا" كلمة "بحب"م الآخر برافو