قليل أما بشوف تاج له فكرةمعينة كله بيبقي من نوعية مقاس شرابك ايه ؟ وبتستعمل سيجنال تو ولا كرست؟ واسئلة ظريفة جدا كافية انها تصيب القاريء بشلل رباعي
لكن امبارح شفت علي مدونة فوكيرة تاج لزيز أوي حبيت إني أجاوبه خصوصا اني كان في بالي حاجة قريبة من الفكرة بتاعته
التاج ببساطة انك تقول ايه هيا الحاجات اللي بتمثل ليك أكسير تفاؤل ...بس كده زي شكة الدبوس
لكن امبارح شفت علي مدونة فوكيرة تاج لزيز أوي حبيت إني أجاوبه خصوصا اني كان في بالي حاجة قريبة من الفكرة بتاعته
التاج ببساطة انك تقول ايه هيا الحاجات اللي بتمثل ليك أكسير تفاؤل ...بس كده زي شكة الدبوس
إشطة؟؟
نتكل علي الله
أما اصحي بدري واكون نايم كويس وأخد دش وافطر وأصلي واشوف شوية من العيال كبرت وانزل الكلية ...اكسير تفاؤل
أما بكون متضايق أو في مشكلةونفس الشيء اما يكون فيه حاجة حلوة في حياتي والاقي موبيلي بيرن من حد مهتم للي انا فيه حلو أو وحش...اكسير تفاؤل
أما بيتنشرلي حاجة في إحنا وأكون تعبت فيها واحس ان الحاجة دي صحافة صح زي موضوع الهجرة الغير شرعية ....اكسير تفاؤل
أما بسمع في الاتوبيس وانا رايح الجامعةأغنيةبحبهاوحاسسها( بعيدا طبعا عن أغاني مصطفي كامل وجورج وسوف اللي واكلة دماغ السواقين)....أكسير تفاؤل
أما بسهر أزاكر طول الليل واصلي الفجر واقابل صحابي ونضرب فول وطعمية ونفضل نتمشي لحد مالنهار يطلع واشتري الجورنال واروح....أكسير تفاؤل
أما بتفرج علي ماتش كورة للأرسنال أو اقري حاجة لعلي سلامة أو اشوف فيلم أم العروسة بتاع عماد حمدي
أو فيلم(the guardian)
أكسير تفاؤل
أما حد بيقصدني في حاجة واعملهاله مهما كانت بسيطة ولو حتي مجرد إني أعين علي واحدة سبت خضار أو أعدي حد الشارع...أكسير تفاؤل
أما بصلي العشا في الجامع في الصيف ويكون الشيخ صوته حلو وأحس بطعم السجود علي السجاد الاخضر وهوا المرواح يلمس خدودي في اضاءة بسيطة جدا في الجامع....أكسير تفاؤل
أما بتعرف علي حد جديد والاقيه حد نضيف أوي ودماغه ماشية مع دماغي ....أكسير تفاؤل
أمايدخلنا دكتور يشرحلنا ويربط الشرح بتاعه بكلام عملي ويكون جايب حالات وأحس إني دكتور بجد ...أكسير تفاؤل
أما بفتكر اللي كنا بنعمله في صناع الحياة واتفرج علي الصور والفيديوهات أو أاقابل حد يفكرني بشغلنا أيامها....أكسير تفاؤل
أما يجيلي تليفون من حد معرفوش ويقوللي:
محمد أبو الفتوح؟ ...انا كنت عايزك في كزا كزا كزا أيا كان الكزا ده....أكسير تفاؤل
أما اكون عضو في تيم وأحس ان التيم ده له هدف وكل واحد حاطه قدامه ونفسه يوصله حتي ولو كان التيم ده في الكورة .....أكسير تفاؤل جامد أوي
أما اكون عضو في تيم وأحس ان التيم ده له هدف وكل واحد حاطه قدامه ونفسه يوصله حتي ولو كان التيم ده في الكورة .....أكسير تفاؤل جامد أوي
أما بيجيلي كومنت موضوعي أصدقه من جوايا أو اما الاقي مدونتي متضافة عند حد معلقش عندي قبل كده أو اما الاقي حد مستشهد في بوست عنده ببوست ليا او بكلام ليا......أكسير تفاؤل لا تتخيلوه
وأما أحس إني مفيش حد زعلان مني وإني معملتش حاجة غلط في حق حد خصوصا لو حد قريب مني .....أكسير تفاؤل
وإن حد يقري التاج ده وياخده عنده ويجاوب عليه في مدونته....أكسير تفاؤل
9 comments:
لما انا ابقى اول كزمنت يبقى اكسير تفاؤل
:))
اكسير التفاؤل عندك نبهنى لحاجات كتير كنت مش واخدة بالى منها
but now I will learn to appreciate these things
حلو التاج ..
اسمحلي بالإعلان دا رغم اني رافض تماما ان تكون المدونات حيطان دعاية ..
بوكس اند بينز .. مكتبة تستحق المشاهدة .. 7 شارع جزيرة الورد من المشاية .. يعني لو من فوق يبقى الشارع اللي على ناصيتة روموش لو من تحت يبقى الشارع اللي على ناصيته عصفور ... بس لما تروح اسأل ولو مجاملة عن حين يضحك البحر .. مجموعتي القصصية
كل الود
انا سعيده اووى انك تفاعلت مع البوست
مممم ... اكسيرات التفاؤل عندك
احلى حاجه فيها بساطتها ...
بســيطه ونقيه ..
ممم اكتر جزء حسيته فيها اووى
بتاع صلاه العشاء ونسيم الهواء البارد
عجبتى اووى
ربنا يجعل ايامك كلها تفاؤل
انا قــرأت بوست الحمار
حقرأته تاانى واعلق عليه
ان شاء الله
تحياتى يا دوك
تحياتى لك
صورة بينوكيو يامحمد
انت سكر
بتسلم عليك علي فكرة
انا جالي عمي من كبر الخط عنيا التنيين دخلوا في بعض
جامد جامد التفاؤل ده
واحلي حاجه ان رغم الحاجات اللي قولتها بسيطه بس احنا منكدين علي نفسنا
بس حلو اوي البلوج ده
تحياتي
ماعلينا....
يادي النهار الهنا دكتورة ماعلينا اللي بتتلخبط في ايميلي علي طول بحالها هنا الحشيش ياواد ياحناطة هههههههه
منوراني يادكتورة مرام وياريت يوما ما اشوف التاج ده عندك قبل ماموت
محمد العدوي....
ماشي ياباشا لما اروح هناك هسال عنها انا بروح كل فترة بوكي اند بينز واعلن براحتك ياعم بلوجايتك ومطرح
فوكيرة....
حقيقي بجد ميرسي ليكي انك حطيتي التاج ده وانا شفته بجد اداني شحنة حلوة وخلاني افتكر حاجات مكنتش علي بالي
رئيسة حزب الاحلام....
نورتي وياريت نشوفك باستمرار
تحياتي
قصاقيص....
منورة ياقمر واخبار بينوكيو ايه حافظي عليه كفاية التعب اللي تعبتهوله ده طلع عيني
خدي بالك منه واكليه سيمون فيميه
coca......
ماهو ياكوكا اما صغرت الخط مركز العيون اشتكي من حالات العمي اللي بتجيله من بلوجايتي فقلت اكبره اعمل ايه بس اقفل البلوجاية يعني؟؟؟
بصي هو مش تنكيد علي نفسنا لان اكيد اللي احنا فيه يستحق نكد بس تقدري تقولي اننا مبنديش للحاجات الحلوة حقها زي مابندي للحاجات الوحشة كفاية اننا اما بنضحك بنقول الهم اجعله خير
نورتيني
جميل اوى
بس فى تاجات تانية حلوة بردة
الا صحيح
انت مقاس شرابك ايه ؟
ههههههههه
تحياتى
احمد الصباغ
أحمد الصباغ....
علي فكرة انا مش بلبس شرابات ههههههههههه هو اكيد طبعا فيه حاجات احلي بس الفكرة بتاعة التاج في الحاجات السوكومنس اللي تديك الاحساس ده
نورت ياجميل
Post a Comment