لو أبوها رفع السماعة هتعمل ايه؟
تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة,وواخد غطس تحت اللحاف وفي وسط الأشواق الملهلبة...
بتحبني ياتوفيق؟
طبعا ياجمالات دانتي الهوا اللي بتنفسه والميه اللي بشربها.... ناقص تقولها سجارة البانجو اللي بتكيفني
يعني مش هتتخلي عني أبدا
عمري ياحبي وحتي تنطفيء النجوم
وحتي يقع القمر
وحتي يفوز الذمالك علي الأهلي
عيب تقولي كده ياجمالات
سمعتي أغنية بحبك بتاعة رامي صبري؟.
اه مالها ياحبيبي....
.كل كلمة فيها بتفكرني بيكي يانور عيني
بحبك نفسي أقولهالك وانا ايدي في ايد....
وفجأه.
نعم ياروح أمك؟
نعم ياروح أمك؟
.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟أو نتخيل سيناريوهات مختلفة للي هيحصل بعدها
ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني
ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني
في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده
ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟
ولا تطلع ندل وواطي وتنفض لأمها واهو البنات اكتر من الهم علي القلب وتيجي واحدة مكانها؟
ده سيناريو مكتمل محتمل للي ممكن يحصل
فيه سيناريو تاني
فيه سيناريو تاني
.نعم ياروح أمك؟......ده أبوها
ساعتها انت موش هتقفل السكة
ثواني ياعمي أنا والله بحب جمالات بس مستني وقت أرتبط بيها
وهنا هيختلف رد فعل الأب حسب شخصيته يعني ممكن يكون راجل جنتل ويقولك
حب ايه ياحيلة الست الحاجة روح ياض اشتريلك فانلة حمالات
وممكن يكون راجل عقلاني....
هو يابني اللي يحب حد يكلمه الساعة دي
لو اختك ترضي حد يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب
.وعموما يابني ممكن أعرف انت عايز ايه دلوقت؟
وهنا هتبان نواياك
يااما تاخد منه معاد تقابله وتكلمه وتشرحله ظروفك
يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي
.تك....صوت سماعة بتتحط وسكة بتتقفل في وشك
فيه سيناريو تالت
فيه سيناريو تالت
أنك تطلع واطي وسافل وكل حاجة وترد عليه
ماتشتمش يابا الحاج انت متلم بنتك ياأخويا
انا مضربتهاش علي ايدها
وطبعا رد فعل الراجل علي بق زي ده
يااما هيقع علي الكرسي من الصدمة وتسمع صوت (بابا بابا)
أو هيرد علي كلامك
ونظرا لأن دي مدونة محترمة فمش هننشر رد أبوها علي كلامك
وممكن يبقي فيه سيناريو رابع
وممكن يبقي فيه سيناريو رابع
أول ماابوها يدخل...هتلاقي جمالاات بتقولك
ثواني ياتيفا...بتدلعك ياعم مين قدك يابختك
فيه حاجة يابابا مخبطتش ليه قبل ماتدخل.
.معلش ياجمالاات اصلي كنت بدور علي حاجة معلش اني مخبطتش
.طيب يابابا عاوز حاجة؟
لا خلاص هدور في أوضة تانية
وفي الحالة دي يابني أبوها ده يبقي بعرور لا مؤاخذه وأنصحك تنفد بجلدك من العيلة دي
وفيه سيناريو كمان
وفيه سيناريو كمان
.وده بقي محتاج واد ابن جنية
وهو انك اول ماتلاقي صوت أبوها فجأة ترقق صوتك وتتمسخر علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش
وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة)
أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني لو أبوكي رفع السماعة(موش تعصب ضد حكوك المرأه لا سمح الله)بس لأن السيناريو معروف
طبعا أنا مقلتش الموضوع من ناحية البنت بمعني لو أبوكي رفع السماعة(موش تعصب ضد حكوك المرأه لا سمح الله)بس لأن السيناريو معروف
.لو أبوها راجل ودمه حامي
فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها
8 comments:
شكلك مستكنيص ع الاخر ... الموضوع حلو اوى و جامد و تقدر تقول برده انه موضوعى بس بجد رد ابوها بتاع اللى بيحب حد يخليه يعمل حاجه غلط حتى لو باسم الحب المفروض ان الواحد يعمله من نفسه ده لو بيحب بجد ... و بعدين متسربع على ايه يا اخويا بكره تتأندل و تقول الفاس جت ف الراس ..كلهم بيبقوا مستعجلين يا اخويا و بعدين ...يقطع الجواز و سنينه ... ده اللى بيتقال مش كده .. بس كان بيتجوز عادى و العادى مينفعش .. عارف لو اتجوز اللى بيحبها اكيد عيشته هتبقى شكل تانى ... مقرمش من بره و لذيذ من جوه
ايه يا ابونا الكلام الكبير ده...على فكرة أشرف هيزعل منك علشان اتكلمت كده على تيفى خلي بالك بقى وادخل ظبطه ف أي بوست ولو صغير كده واقعد اتكلم عن أمجاده لحسن انت شردت الواد ... معرفش ممكن يعمل إيه
هههههههههههههههههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههه
ههه
كل ده على اساس ان لسه في حد بيحب حد على التليفون ابو سلك طويل متسلك من الصاله
ماشي ماشي
بداية أحب أرحب بالضيفة الجديدة علي المدونة نهي
بصي يابنتي بما إن دي أول دخلة ليكي علي المدونة يبقي ليكي إكرام ومعزة عند اصحاب البيت عشان كده هعديها...طبعا يانهي أنا مقصدش تليفون بسلك يعني تليفون بسلك اللي أقصده حتة أي تصرف خاطيء بنخاف منه وبنداريه في المواقف العاطفية ومتفرقش بقي تليفون أرضي موبايل نت مسك ايدين ويعني جت علي دي اللي مسكتي فيها مفيش إشادة بالمزة اللي أنا حاططهالكو تطري الموضوع دانتو شعب طماع لكن
بجد نورتي المدونة يانهي وياريت تشاركينا بارائك علي طول ويارب يكون رأيي وصلك
لذيذ يا مستكنيص
لذيذ يا مستكنيص
يا سلام عليك يا دكتور مستكنيص
بجد مقال تحفة
Post a Comment