من حوالي سنتين بدأنا نشوف عندنا في الكلية مئات من الطلبة الأندونيسيين والماليزيين اللي جم مصر عشان يستفيدوا من غزير العلم هنا وبالنسبة لي كشاب مصري من نبت الارض الخضرا كنت ببقي فخور بنفسي وببلدي أوي وانا شايف الكم ده من العيون الضيقة وكنت بحب أوي اتابعهم واشوف تصرفاتهم بالظبط زي المواطن الامريكي اللي بيتابع طلبة عرب وافارقة جايين يدرسوا في بلده
المهم كنت بلاقيهم متدينين أوي وحريصين في لبسهم وفي أكلهم معندهوش اختلاط بيمشوا في جماعات صوتهم مبيطلعش باختصار كده تحسهم مركزين أوي في اللي هم جايين عشانه
كزا مرة كنت ببقي عاوز اتكلم معاهم في الاول كان عشان اشوف دماغهم وبعد كده بقي عشان اعمل معاهم علاقات بعد مااقترح عليا صديق اني ممكن اتعلم اندونيسي وادي العيال دي دروس(مشروع مضمون)المهم كبرت دماغي وقلت ياواد ولا تتكلم ولا بتاع
لكن بعد فترة رجعت اتابعهم تاني ولفت نظري اللي شفته عليهم بعد سنة بس من الوجود في مصر
خد عندك مثلا الشاب من دول قاعد مع صحابه علي الارض في الكلية بياكل بورجر من ابو جنيه ونص (بورجر ضفادع) وهاتك ياضحك ابص هناك الاقي شاب وشابة اندونيسيين وهاتك ياتسبيل في ركن لوحدهم وطبعا زمانه بيقولهاالله يباركلي فيك يااغلي من عينيا(بالأندونيسي) قلت ياواد اطلع المكتبة زاكر عشان تتغلب علي الصدمة طلعت لقيت شلة منهم قاعدين وهاتك ياقهقهة ونكت بايخةزي مرة واحد صعيدي ماليزي جه يقعد علي قهوة قعد علي شاي وطبعا صوتهم جايب اخر المكتبة ومحدش عارف يزاكر فرحت نازل تاني ابص قدامي الاقي سيقان قمحاوية قد اينعت وحان.......ولا بلاش عيب ويادوب لسه رايح اقول ياحلو ياابيض انت لقيتها بتدور وشها وبرضه نفس العيون الضيقة والملامح الأندونيسية
وكل ده من سنة واحدة في مصر أنا مش صعبان عليا غير المجتمع الاندونيسي بعد مالشباب دول يرجعوا بلادهم
تسقيط بنطالونات وبيس يامان ومعاكسة في المولات ورنات و0900 وتحرشات ولفلفة بالعربيات في شارع جامعة الدول بتاع أندونسيا
يالا ....هم اللي جابوه لنفسهم
بيس ياشباب
المهم كنت بلاقيهم متدينين أوي وحريصين في لبسهم وفي أكلهم معندهوش اختلاط بيمشوا في جماعات صوتهم مبيطلعش باختصار كده تحسهم مركزين أوي في اللي هم جايين عشانه
كزا مرة كنت ببقي عاوز اتكلم معاهم في الاول كان عشان اشوف دماغهم وبعد كده بقي عشان اعمل معاهم علاقات بعد مااقترح عليا صديق اني ممكن اتعلم اندونيسي وادي العيال دي دروس(مشروع مضمون)المهم كبرت دماغي وقلت ياواد ولا تتكلم ولا بتاع
لكن بعد فترة رجعت اتابعهم تاني ولفت نظري اللي شفته عليهم بعد سنة بس من الوجود في مصر
خد عندك مثلا الشاب من دول قاعد مع صحابه علي الارض في الكلية بياكل بورجر من ابو جنيه ونص (بورجر ضفادع) وهاتك ياضحك ابص هناك الاقي شاب وشابة اندونيسيين وهاتك ياتسبيل في ركن لوحدهم وطبعا زمانه بيقولهاالله يباركلي فيك يااغلي من عينيا(بالأندونيسي) قلت ياواد اطلع المكتبة زاكر عشان تتغلب علي الصدمة طلعت لقيت شلة منهم قاعدين وهاتك ياقهقهة ونكت بايخةزي مرة واحد صعيدي ماليزي جه يقعد علي قهوة قعد علي شاي وطبعا صوتهم جايب اخر المكتبة ومحدش عارف يزاكر فرحت نازل تاني ابص قدامي الاقي سيقان قمحاوية قد اينعت وحان.......ولا بلاش عيب ويادوب لسه رايح اقول ياحلو ياابيض انت لقيتها بتدور وشها وبرضه نفس العيون الضيقة والملامح الأندونيسية
وكل ده من سنة واحدة في مصر أنا مش صعبان عليا غير المجتمع الاندونيسي بعد مالشباب دول يرجعوا بلادهم
تسقيط بنطالونات وبيس يامان ومعاكسة في المولات ورنات و0900 وتحرشات ولفلفة بالعربيات في شارع جامعة الدول بتاع أندونسيا
يالا ....هم اللي جابوه لنفسهم
بيس ياشباب
15 comments:
تصدق فعلاً يا محمد ان الشعب الاندونيسي بيتقال عنه انه اكثر الشعوب الاسلامية تديناً بل وأكثرهم ديمقراطية
غريبة اوي بس مش متأكد منها
بس اللي اعرفه عن اندونيسيا
انهم دخلوا الاسلام كده مرة واحدة
ولما الدعاة بيروحولهم ويسألوهم عن كيفية دخول الاسلام بلدهم قالوا انهم كانوا بيتعاملوا مع تجار مسلمين وشافوا اخلاقهم وتواضعهم وأدبهم فعرفوا دينهم بيتكلم عن ايه ودخلوا كلهم في الاسلام .... تخيل شعب ده تفكيره المفروض يبقى عامل ازاي
بس للأسف ..... مصر محدش يقدر يسلم منها ههههه
اصلنا وباء منتشر يا حبيبي ... احنا اللي هزمنا الهكسوس والصليبين والتتار ... مش هنهزم الاندونيس؟؟؟
هههههههههه
حاول تتعرف عليهم هتلاقي عندهم بلوجات على فكرة وبيدخلوا شات على مصراوي واحلى حوارات
مبرووووك العودة للتدوين يا ولد
إذا كنا هزمنا نفسنا ياسكايار بجد المجتمع ده بيهد علي كل اللي بيدخل فيه بسحر غير عادي ...انا بحس ده في نفسي ساعات في حاجات انا عمري مكنت اتخيل اني اعملها بس انت فعلا جبت الزتونة بحدوتة هم دخلوا الاسلام ازاي ربنا يستر بقي وميخرجوش منه بعد 20 تلاتين سنة بتكرار البعثات لمصر
واحشني وواحشني تعليقاتك
أخويا العزيز جدا..
الناس دي زي ما بتقول, ع الأقل في بدايات وجودهم في مصر كانوافي غاية الإلتزام, و ده منطبق ع الأغلبية.
لكن الشوية الباقية, و من غير ظلم, أو تحامل: "لم يكن أحدهم ليتنازل عن أحد مبادئه التي ولد, و تربى عليها في بلده الأم,إلا اذا كان عنده استعداد فطري"جيني" للبوظان".
صدقني .. مصر لسه فيها "الخير" هو الأساس.
و شكرا
هههههههههههه
حلو اوى البوست ده
بس هوه ده اللى انت خايف عليه
لا انت تخاف ان الاندونيسيين يعجبهم الحال هنا ويبعتو يجيبوا الاهل والاصدقاء
وتبقى مصر
عاشت مصر حره اندونيسيه مستقله
ويلا بيس يا مان
AEMSH86
أحمد بيك عزت
نفسي أصدقك في حتة ان مصر الخير فيها هو الاساس دي ههههههههه
منور البلوج
كلام فارغ
اه وتخيل لما يرجعوا بلدهم في أجازات يقولوا لاصحابهم وقرايبهم ده فيه بلد موز انتخة وصياعة والحياة هناك أخر رحرحة ههههههههههه
تصدق والله وجهة نظر جامدة
بيس يامان
معلش تصحيح بسيط
انا بيس يا وومن
وانا تخيلي مش تخيل
وانت عندك حق والله بس دي هتبقى هيصه والله
اتمنى زيارتك لمدونتى المتواضعه
بس يا دكتور
اللى ييجى مصر أساسا عشان يتعلم تبقى دماغه على قده
باختصار بيلاقى المحاضرات
صعبة ..يقولك خلاص أتعلم أى حاجة والسلام
يروح يتعلم الشر.....
وهو كله تعليم وبينفع
أسلوب لذيذ قوي يا محمد
وبالنسبة للملاحظة او الموضوع
في أبعاد كتير قوي
البعد الاكثر أهمية في نظري واللي يمكن بعيش شبة شوية الايام دي
يعني باختصار دراع مرسي
اللي عندك من قيم وحاجات جبوها وهما جييييييين بيسوا كام؟؟؟
لو بيسوا مش هيبيعوا مهما اتلخبطوا ولو ما بيساواش هيرموه مع اول كانز فاضية هشربوها في المطار
دعواتك
هههههههههههههههههههههههههههههههههه
هههههههههههههههههههههههههههههه
كلامك تحفه
كلام فارغ أوي
معلش ياباشا(باشا تقال للمان وللوومن)اللي ميعرفك يجهلك ههههههه
خطأ مطبعي
بيس ياوومان
خوروبق
والله مش عارف هي ممكن تبقي لها علاقة بنوعية المجتمعات اللي جايين منها يعني واحد جاي يتعلم في مصر متوقع أكيد مقفل ومفتحش التلفزيون من سنة 60 والا مكنش جه يتعلم في مصر هههههههه
واحد مصاحب علي علوكة واشرف كخة هيطلع إيه؟.....طيار
الخيط الرفيع
أختي الكبيرة العزيزة
معاكي جدا في حسبة الحاجات اللي الواحد بيضطر يرميها بعد فترة بسبب نقص اهميتها له....الفكرة دي من احسن الحاجات اللي قريتها من فترة حقيقي فكرة وملاحظة جامدة
ربنا يوفقك يارب في شغلك وامتحاناتك
anonymous
ميرسي يامان أو ياوومان منورني أيها الرجل الخفي او المرأة المستخبية
انتا فاكر نفسك ايه يا دكتور. مش اندونيسيين بس اللي كدا. في واحد شيخ من مصر بروح اندونيسيا هو شغل مدرس. في الاول كان كويس اوي بعد شوية بيبدا يتغير. بيمشي ورا بنات دماغه جازمة. مش هو بس كتير كدا الا من رحم ربك. المهم ايه شوف نفسك اول متتكلمش عن الناس. انتا فاكر مصريين كويس اوي ولا ايه؟ مصريين نصابين أصلا. تب الي ربك أحسن كفاية تضحك علي نفسك
Post a Comment