جاتلي صدمة أما سمعت دكتور شريف في كورس الأطفال
بيقول إن الجنيه السوداني بقي بخمسة جنيه وفضلت
مش مصدق لحد مابعتت بليز كووول مي للرئيس البشير
واتصل بيا وأكدلي الخبر بعد ماسم بدني بكلمتين عن
خصلتي الكميلة بتاعة بليز كووول مي
يازول نفسي مرة تحول خمسة وتكلمني بدل بليز كول مي
وبعد ماقفلت معاه فضلت أفكر وانا مذهول
مش كرها في الأخوة السودانيين لا سمح الله
إنما أنا فاكر إنه من كام سنة قريت إن لعيب سوداني
اتنقل من نادي لنادي بخمسمية مليون جنيه سوداني
أي مايوازي 200 ألف جنيه مصري
يعني من كام السنة كان الطفل السوكنن ياخد مصروف
عشرين ألف جنيه سوداني يجيب بيهم مصاصة
لكن تجاوزت الصدمة وبدأت أفكر في المستقبل وإننا
يجيلنا عقود عمل في السودان لكن ده بدأ يحصل فعلا من
دلوقت أمال يعني كمان عشرين سنة هيحصل إيه؟
مش بعيد نشتغل بوابين وسفرجية عند السودانيين
ومش بس كده ده كمان الأفلام والمسرحيات السودانية
تتريق عليناويطلع كومبارس مصري يضحكوا عليه
أيه طبق المهلبية اللي دخل هناك ده يازول
ماتقلق ياعثمان ده حسن البواب بتاعي
تعالي ياحسن ...انت قصير كده ليه انا محتاج ميكروفون عشان أوصلك الصوت تحت.....كعكعكعكعكعكعكع
(صوت ضحك الجمهور السوداني في المسرحية
منين جبته ده ياإدريس؟ ده عامل زي بياض البيض
انت أمك فرخة ياحسن؟
كعكعكعكعكعكعكعكعكع
مادام الكعكعات زادات يبقي
ده أكيد الزعيم محمد عجب كوميديان العرب الأول
ومش بس كده ده كمان لعيبتنا بتوع الأهلي والزمالك
هيروحوا يحترفوا هناك وإحنا نتقسم لهلالابي ومريخابي
وأكيد لو دخلتوا أوضتي أيأمها هتلاقوني معلق صور
ريتشارد جاستن وهيثم طمبل
انا هلالابي علي فكرة
قول الحق خليك جريءالهلال أحسن فريق
حقهم وليهم حق يعملوا أكتر من كده
ماحنا ماوراناش غير التريقة علي خلق الله
من غير مانشتغل ولا نعمل أي حاجة
السوداني بواب والصومالي بلبوصة في الأخبار
لحد لما الناس سبقونا وحتي في المستقبل برضه لو اتقدموا زيادة هنفضل نتريق ونقول شفتوا اللي كانوا بوابين عندنا وسياسة الله يرحم الشهيرة وبرضه من غير مانشتغل ولا نعمل حاجة
حتي بيننا وبين بعض الواد بتاع المزاكرة أومليت
وأهطل لحد مايبقي حاجة كبيرة نمشي نلحسله الشوز
وكل ده وإحنا لسه زي ماحنا لا بنحس ولا بنتغير وكل
اللي بنعمله إننا بنختار حد جديد نتريق عليه
الشعب الجيبوتي مثلا في المستقبل
والكميل أوي إني بنقد التريقة دي وأنا في أول البوست
شبه متريق علي الرئيس البشير هههههههههه
إزدواجية إزدواجية من بتاعة بلادها مصري مصري يعني
كل الكلام ده دار في دماغي ودكتور شريف شغال شرح في
الانيميا لحد مالقيته بيسأل
أعراض الأنيميا إيه ياأبو الفتوح؟
هيثم طمبل يادكتور
17 comments:
هههههههههه حلوة بجد
يعنى محصلناش حاجة م الاخر
ومش بعيد بكرة الجنيه يبقى اقل من الليرة اللبنانى كمان
واهو واضح بدليل الجنيه والنص جنيه العمله ده اكبر دليل على انحدار العملة المصرية
جتنا نيلة فى خيبتنا يازول
طيب ربنا يستر بقي وكمان كام سنة نطالب بحق تقرير المصير
زي السودان زمان
يا زووووووووول
ايوة انا برضو" اذبهليت " لما عرفت الحقيقة العلمية دى
الجنيه باين عليه قعد يعوم يعوم ومقبش تانى
very nice blog :)
دمك خفيف يابنى
بس يعنى ايه
يازوووووول؟؟؟؟؟؟؟؟؟
هههه
اسلوبك جميل
انا هاجى كمان عشرين سنه كده اشوف الاحوال ايه عندك هتابع بقى من مدونتك
ياخبر ده لو الوضع بقى زى مانت بتحكى كده هتبقى مصيبه
ربنا يستر علينا بجد
تحياتى
ههههههههههههههههه
شئ عجيييييييييييييييييب
للدرجة دى احنا اتبهدلنا ف مصر أوى كده
بيتهيألى بعد كده كل دولة من اللى ماليين ايدهم هيرمولنا كام دولار
أقصد كام جنيه سودانى
و بعد كده الفول السودانى هيبقى الفول المصرى و يتباع بشلن
و احنا نتباع وراه ع الرصيف !!!! هههههههههه
لا بس إيه الموضوع الجامد ده
ضحكتنى اوى بجد
حمد الله ع السلامة و ان شاء الله ميكونش فيه غياب تانى
ههههههههههههههههههههههههه
الله يخرب عقلك ايه الكلام دا
مش ريتشاردجاستن دا جاى الاهلى تقريبا السنه الى جايه
على فكره محمد العجب الى انت قولت عليه اسمه فيصل العجب مش محمد
ويا سيدى احنا والسودان واحد انت مسعمتش ان سيد معوض كان هايتحرف المريخ
وصدقنى كل حاجه بتغلى ف مصر كل حاجه ماعدا البنى ادم
ياريته زى ماهو دا بيرخص
احنا شعب الفووول والطعميه زى ما قالت مادلين اولبريت
كل سنه وانت طيب ومتحرمناش من بوستاتك الساخره
تحياتى
ايه ده هو انا مش علقت
:)
بس جامد يازووول
كميل اوى اسلوبك ده
وابشرك بان مرتب المصرى هايوصل خمسميت مليون جنيه
بما يعادل 100 جنيه سودانى
الحمد لله هانبقى من اصحاب الملايين
معلش في تعليق معبر جداااا
نيهاهاهاهاهاها
........
بعد ماقلت التعبير اللي واقف في زوري بقى
أحب أقولك إننا فضلنا نتريق لغاية ماوصلنا لأسوأ من اللي كنا بنتريق عليهم
احنا شعب كلام وبس
فضلنا نقول السودانيين كسلانين
واللي مش عارف مين مالهم
وف الآخر بقينا اسوأ الكل
ولا عزاء للشراذم المصريين ..
و زي ما البوست بتاعك ضحكني
زي ماخنقني
وف الآخر زي الكل ماعملتش حاجة وقلت كلمتين وهمشي من هنا وهاكمل الحياة دون جديد
أصل ده طبع يعني ..
هههههههههههههههه
لا مستكنيص مستكنيص يعنى
مش اى كلاااام من بتااع بلاادة بجد
لا بس عجبتنى فيك الاعترافات بالازدواجية وبتااع كل الناس كدة اصلا بس بتفاوت النسب
شيفااك مزودها اوى ع فكرة مش للدرجة دى يعنى ولا كلو من الدكتور شريف وانت مش فاهم فقولت تدور ع اى حاجة تفكر فيها والسلااام
صح؟؟؟
دعنى أهنئك انك فعلا هترسى على بيااع كناافة
ومستنياك عندى وايااك متجييش........
مواجهااات
انا بس عايزه أسأل
هو يعني ايه زووو ل ؟
:D
شامبو للقشرة ده ولا ايه؟
وبعدين المشكلة مش في إنك كلمت البشير وانت في المحاضرة
إنما ايه اللى خلى دكتور الأطفاااال يقارن الجنية المصري بالجنية السوداني ؟
ايه يعني ؟
مدخل للمقارنة بين صحة الطفل ف مصر وصحة الطفل في السودان ؟
حقك ساعتها كنت توقفه وتسألة انت كنت بتقول ايه للبشير
ولو معرفش تسحب منه الكارنية
هههههههه
وانا اضم صوتي لصوت ثورة لاني لسه مش فاهم الكمة دي
يعني ايه زووووول؟؟؟
ده زي ريييييد بتاع الصراصير؟؟؟
وبعدين البشير مش معاه موبايل أصلن ... ده ماشي بلاسلكي
هههههههههههههه
وبعدين الجنيه السوداني غلي قبل ما اسيب مصر
بس كان ب3 جنيه وفكة
لكن انه يوصل للدولار فهوه ده الابداع
وحسبي الله ونعم الوكيل
وهيروحوا من ربنا فييين
هههههههههههههههه
دماغك بقت عالية اوي يا مستكنيص بجد
عذرا اسفة
بعيدا عن الموضوع
ارجو المشاركة في ما اعلنت عنه في مدونتي
تحياتي
ههههههههههههههههههه
ضحكتنى والله فينك من زمان
تحياتى
انت يا عم نايم كده مش عارف ان انا رجعت وقفشت مدونتك كمان قوم خلص شغل المجله احسن انا قررت اخطفك قريب
Post a Comment